पोखराकी इन्द्रमाया तामाङ आफ्नो छोराको उपचारका लागि काठमाण्डूमा छिन्। उनका २२ वर्षीय छोराको दुवै मिर्गौलामा समस्या देखिएको हो। त्यसैले छोरालाई वैदेशिक रोजगारीमा पठाउन साँचेको पैसा अहिले उसैको उपचार खर्च बनेको उनी बताउँछिन्।औषधोपचार, बिरामीसहित तीन जनाको खाने/बस्ने खर्चले उनीहरूको सहरको बसाइ महँगो बनेको छ। नेपाल राष्ट्र ब्याङ्कले प्रकाशन गरेको मुद्रास्फीति दरदेखि ब्याङ्कको ब्याजदरलगायत वृद्धि भइरहेकाले चिकित्सकहरूलाई पनि मार पर्ने हुँदा नियम बमोजिम परामर्श शुल्क बढाएको दाबी गर्छन् । निजी अस्पतालमा अतिरिक्त समयमा सेवा दिने चिकित्सकहरूसँग सेवा शुल्कमै २६ प्रतिशत कर काटिन्छ। कुल शुल्कको ३० प्रतिशत अस्पतालले राख्छ। सरोकारवालाहरूले स्वास्थ्य प्रणाली दुरुस्त बनाउन संरचना, शय्या र उपकरणहरूमा मात्र जोड दिइरहेकाले सरकारी अस्पतालमा बिरामी परीक्षण गर्ने जनशक्ति कम भएको र आम मानिस निजी अस्पतालमा जान बाध्य भएको छ।