केही दिनदेखि भइरहेको भारी वर्षा देशको मध्य भागमा कम हुँदै सुदूरपश्चिम र कर्णालीतर्फ अघि बढेको मौसमविद्ले बताएका छन्। खराब मौसमका कारण आन्तरिक र बाह्य उडानहरू प्रभावित हुनुका साथै केही राजमार्गहरू पनि अवरुद्ध भएका छन्। प्रहरीका अनुसार आँपचौरमा खसेको पहिरोका कारण हेटौँडा हुँदै काठमाण्डू प्रवेश गर्ने कान्ति लोकपथ अवरुद्ध भएको छ। अधिकारीहरूले बाढी र पहिरोको जोखिम भएका स्थानमा सडकमार्ग भएर यात्रा गर्ने व्यक्तिहरूलाई विशेष सावधानी अपनाउन आग्रह गरेका छन्।