सोमबार परिपत्र जारी गर्दै केन्द्रीय बैंकले वस्तु आयात गर्दा एलसीको सीमा बढाएको छ । विदेशी मुद्राको सञ्चिति बढेपछि नेपाल राष्ट्र बैंकले आयातलाई खुकुलो बनाएको हो। भारतबाट हुने आयातमा भारतीय रुपैयाँ ३ करोड रुपैयाँसम्मको एलसी खोल्न पाइनेछ भने तेस्रो मुलुकबाट मालसामान आयात गर्दा एक पटकमा ६० हजार अमेरिकी डलर बराबरको एलसी खोल्न पाइने भएको छ। यस अघि ५० हजार अमेरिकी डलर बराबरको मात्रै एलसी खोल्न पाइने व्यवस्था थियो। एक पटक सटही सुविधा प्राप्त गरेपछि सोही आयात तथा निर्यातकर्ताबाट ७ दिन पछि मात्रै अर्को सटही सुविधा प्राप्त गर्ने व्यवस्था पनि गरेको हो।
