एजेन्सीः इस्लामाबाद पाकिस्तानको पर्यटकीय सहर चितरालबाट राजधानी इस्लामावाद आउँदै गरेको पाकिस्तान इन्टरनेसनल एयरलाइन्सको विमान बुधबार दिउँसो दुर्घटनाग्रस्त भएको छ । विमानमा एक लोकप्रिय कलाकारसहित ४३ यात्रु र चालकदलका पाँच सदस्य थिए ।
चितरालबाट दिउँसो ३ः३० बजे उडान भरेको उक्त विमान ४ः४० बजे इस्लामाबादस्थित बेनजिर भुट्टो इन्टरनेसनल विमानस्थलमा अवतरण गर्ने तालिका थियो । तर ४ः१५ बजे राडारसँग विमानको सम्बन्ध विच्छेद भएको थियो ।
पाकिस्तानी सेनाले बुधबार रातिसम्म दुर्घटनामा ज्यान गुमाएका २१ वटा शव फेला पारेको छ ।
उद्धारकर्मीले विमानको खोजी गरिरहेका छन् ।’ यसअघि सन् २००६ मा पनि पिआइएको विमान दुर्घटनामा परेको थियो । त्यस दुर्घटनामा ४४ जनाको ज्यान गएको थियो ।