काठमाडौँ, सूचना तथा सञ्चार प्रविधिको विकास, विस्तार र प्रवद्र्धन गर्ने उद्देश्यले कम्प्युटर एसोसिएसन नेपाल महासङ्घले आयोजना गरेको २१ औँ सुबिसु क्यान इन्फोटेक आज सम्पन्न भएको छ । इन्फोटेकको छ दिने प्रदर्शनीमा तीन लाख ३१ हजारले अवलोकन गरेका आयोजकले जनाएको छ ।

माघ २०, काठमाडौ – पौष शुल्क पूर्णिमादेखि सुरु भएको एक महिना लामो स्वस्थानी ब्रत पौष शुक्ल पूणिर्मामा सुरु भई माघ शुक्ल पूर्णिमामा सम्पन्न हुन्छ ।स्वस्थानी ब्रतको समापनका अवसरमा जनै, अक्षता, बेलीपुष्प, पान, मसला आदि देवी स्वास्थानीलाई चडाइन्छ ।   स्वस्थानीको पूजामा स्वास्थानीको कथाका कुराहरुलाई पढी दियो, कलस र गणेशको पुजा गरिन्छ । काठमाडौंको उत्तरपूर्वमा रहेको साँखुमा रहेको शाली नदीमा लागेको मेला माघ शुक्ल पूर्णिमामा सकिँदैछ । एक महिनासम्म ब्रत बसेका श्रद्धालुहरुले  पूजाआजा गरी स्वस्थानीको समापन गर्छन । आज एक महिनाको श्रीस्वस्थानी ब्रत समाप्त हुदै छ ।

माघ १९, काठमाडौ – संविधानसभाले प्रस्ताव समितिलाई दिएको समय दुई दिन बाँकी हुँदा प्रश्नावली उपसमिति गठन गरेको हो ।  संविधानसभाको प्रस्ताव समितिले एमालेका सभासद् अग्नी खरेलको संयोजकत्वमा ९ सदस्यीय प्रश्नवली उपसमिति गठन गरेको छ । आइतवार समितिले कार्यविधि पारित गरेको थियो ।  संविधानसभाले माघ ११ गते गठन गरेको प्रस्ताव समितिको सोमबार बसेको बैठकले गठन गरेको प्रश्नावली समितिका सदस्यहरुमा रमेश लेखक, कृष्ण भक्त पोखरेल, राधेश्याम अधिकारी, सीपी मैनाली, उषा गुरुङ, श्रीमाया थकाली, कुमार खड्का र अफ्ताव कमाल मुसलमान रहेका छन् । प्रकृयामा एमाओवादीले नेतृत्व गरेको विपक्षी मोर्चा र राप्रपा नेपाल भने सहभागी नहुने संकेत देखाएका छन् ।