काठमाडौं । विपत्ति अकस्मात हुन्छ । शनिबार विनाशकारी भूकम्पले देशका थुप्रै स्थानमा जनधनको क्षति भयो । भूकम्पले देश ठप्पजस्तै छ ।
(स्रोत रातो पाटी )
सार्वजनिक यातायातदेखि राष्टिय अन्तराष्टिय उडान पनि केही स्थगित भएका छन् । कतिपय पर्यटकदेखि वैदेशिक रोजगारीमा गएका नेपाली योबीचमा नेपाल आए । तर, यतिबेला काठमाडौं भूकम्पले शोकमा छ । काठमाडौँमा होटलदेखि यातायात खुलेका छैनन् ।
यति बेला विदेशबाट आउनेलाई त्रिभुवन विमानस्थल लिन जाने कोही भएनन् भने, यहीबीचमा विदेशका लागि उडान भएका कतिपयको उडान रद्द हुन पुगेको छ ।
त्यसैले यतिबेला विमानस्थलमा थुप्रै पर्यटक पाहुनादेखि स्वदेश फर्केका परदेशी अलपत्र छन् । यिनीहरुलाई तपाईं सहयोग गर्नुहुन्छ कि ?
