दि पावर न्यूज सम्वाद दाता,काठमाडौ।-प्रधानमन्त्री सुशील कोइरालाले बाढी पहिरो पीडितका लागी दाताहरुले उदारतापूर्वक दिएको सहयोग रकमको सदुपयोग गरिने बचन दिनु भएको छ । प्रधानमन्त्री निबास बालुवाटारमा गणेशमान सिंह फाउण्डेशन र मदन मेमोरियल कलेज, विनायकनगर, नयाँ बानेश्वरले उपलब्ध गराएको राहत रकम बुझ्दै प्रधानमन्त्री कोइरालाले पहिरो र बाढी पीडितलाई आएको राहत रकम र राहत सामग्री दुरुपयोग हुन नदिन सरकार प्रतिबद्ध रहेको बताउनु भयो । गणेशमान सिंह फाउण्डेशनले प्रधानमन्त्री दैविप्रकोप राहत कोषमा ९ लाख र मदन भण्डारी मेमोरियल कलेजले ५० हजार १ सय रुपैया प्रदान गरेको छ । यसैबिच, नेकपा एमालेको राजधानी बिषेश समन्वय कमिटीले देशभर आएको बाढी पहिरो पिडीतको राहातका लागि भन्दै प्रति सदस्य एक सय रुपैयाँ संकलन गर्ने निर्णय गरेको छ । राजधानी कमिटीको आज बसेको बैठकले राजधानीका तिन जिल्ला, बिद्यार्थी, मजदुर बिशेष तथा पेशागत महांसंघमा आबद्ध १७ हजार संगठित सदस्यहरुले अनिवार्य रुपमा प्रतिव्यक्ति एक सय रुपैयाँ सहयोग गर्ने निर्णय गरेको ईन्चार्ज जीवनराम श्रेष्ठले जानकारी दिनुभयो ।