दि पावर न्यूज सम्वाद दाता,काठमाडौ। – ‘शान्ति र समृद्धिका लागि मानव मूल्य’ नामक संस्थाले विश्व रेकर्ड कायम गर्ने उद्देश्यले कागजको प्लेकार्ड बोकेका ३५ हजार ९ सय ७ जना मानिस उपस्थित गराएर नेपालको झण्डाको आकृति बनाएको हो । काठमाडौंको टुँडिखेलमा मानवझन्डा निर्माणमा सहभागी भएर नेपालीहरुले एक पटक फेरि नयाँ कीर्तिमानको प्रयास गरेका छन् । एकजना मानिसले १८ इन्च लम्बाइ र २५ इन्च चौडाइको प्लेकार्ड बोकेर १ सय २८ मिटर चौडाइ र १ सय ६८ मिटर लम्बाइको आकारको झन्डा बनाइएको छ ।