काठमाडौँ: प्रधानमन्त्री केपी ओलीले सरकारविरुद्धको अविश्वासको प्रस्ताव छापामार शैलीमा झ्याप्पै आएको बताएका छन् । अविश्वासको प्रस्तावमाथि उठेका प्रश्नको जवाफ दिने क्रममा ओलीले भने, ‘ अचम्म लागेको छ। विरोधका लागि कुनै विषय छैनन् तर सत्ता परिवर्तनको खेल यस पटक छापामार शैलीमा झ्याप्पै भयो ।’ ओलीले प्रचण्डतर्फ हेरेर यसो भन्दा सिंगो सदन हाँसोले गुन्जिएको थियो।
अविश्वासको प्रस्ताव आउनु अघिको भेटघाट प्रसंग उल्लेख गर्दै ओलीले भने, ‘सरकारबाट फिर्ता हुने अघिल्लो दिन सरकारविरुद्धको अविश्वासको प्रस्तावसँग दुई घण्टा कुराकानी भएको थियो । भोलिपल्ट समर्थन फिर्ता लिने नयाँ खालको मोडालिटि आयो । लोकतन्त्रमा सरकार परिवर्तन सामान्य हो । तर मुलुकलाई नै अनिश्चित बनाउने गरी सरकार परिवर्तन गर्नु ठिक होइन ।’ धानमन्त्रीले राजीनामा घोषणा गरेर बाहिरिएपछि संसद भवनभित्रको च्याम्बरमा पुगेका माओवादी केन्द्रका अध्यक्ष प्रचण्डले ओलीलाई भविष्यमा पनि सहाकार्य जारी राख्ने प्रस्ताब समेत राखे ।
त्यसबेला प्रचण्डसँगै गिरिराजमणी पोखरेल लगायत ओली क्याबिनटेका माओवादी मन्त्रीहरु पनि थिए । त्यहाँ प्रचण्ड र ओली लगायत माओवादी नेताहरुले सामुहिक फोटो समेत खिचाएका थिए । कतिपय नेताहरु प्रतिपक्षमा बसेजस्तै गरी सरकारको आलोचनामा उत्रिए । मैले नेतालाई बोलाएर आग्रह गरे सहयात्रा इमान्दारितामा चल्छ । एजेन्डा फरक भए आफ्नो बाटो रोजौँ । गठबन्धनमा सरकारको समर्थन नतोड्न पटकपटक आग्रह गरेँ । उच्च स्तरीय राजनीतिक समिति बनाएका थियौँ । सरकारका कामको अनुगमन गर्ने र सरकारलाई निर्देशन दिने काम उच्च स्तरीय राजनीतिक समितिको काम थियो । त्यो खोज्ने दायित्व अविश्वासको प्रस्तावका प्रस्तावकज्यूको थियो । होला संयोजकज्यूले कुन बैठकबाट कुन सुझाव दिनुभयो धेरै पार्टीका नेता सरकारमा थियौँ । त्यो थाहा भएन् । तर एक पटक पनि त्यसको बैठक नबसी अचानक सरकारबाट फिर्ता हुने र सरकारविरुद्ध अविश्वासको प्रस्ताव ल्याउने काम भयो । ओलीले राजीनामा दिएर बाहिरिने क्रममा विजयकुमार गच्छदार आफ्नो आसनबाट उठेर नमस्कार गरेका थिए । एमालेका पहिलो लहरका बरिष्ठ नेताहरु उठेर राम्रो जवाफ दिएको भन्दै बधाइ दिएका थिए । अर्को लहरमा रहेका कांग्रेस सभापति शेरवहादुर देउवा सहितका नेताहरु पनि उठेर ओलीलाई धन्यवाद दिएका थिए । मधेसी मोर्चाका नेता उपेन्द्र यादवहरुले पनि उनीसँग हात मिलाउँदै धन्यवाद दिए ।
