नेपाल सरकारले पहिलोपटक सगरमाथाको उचाइ मापन सुरु

काठमाडौं : विभागले उचाइ मापनलाई प्रभावकारी बनाउन मंसिर २५ र २६ गते अन्तर्राष्ट्रिय कार्यशाला आयोजना गरेको छ । कार्यशालामा अमेरिका, चीन, भारत, जापानलगायत विभिन्न मुलुकका विज्ञ, प्रतिनिधि सहभागी हुनेछन् । सगरमाथाको उचाइ मापनमा नेपालले अपनाएको विधि विज्ञहरूमा प्रस्ताव गरी थप सुझाव लिएर काम अघि बढाइनेछ । १० जना अन्तर्राष्ट्रिय विज्ञको समेत सहयोग लिइएको सगरमाथा उचाइ मापनमा आधुनिक प्रविधि प्रयोग गरिने नेपाल सरकारले पहिलोपटक सगरमाथाको उचाइ मापन सुरु गरेको छ ।  नेपाल सरकारले पहिलो पटक गरेको सगरमाथाको उचाइ मापनमा विवाद नआओस् र सर्वस्वीकार्य होस् भनेर विश्वकै दक्ष विज्ञहरूलाई सहभागी गराइएको विभागको भनाइ छ ।सन् १८५५ मा सर्वे अफ इन्डियाले नापेको सगरमाथाको उचाइ नापी विभागले यस वर्षदेखि पुनः नाप्न सुरु गरेको थियो । विभागले उचाइ मापनका लागि १२ वटा स्थलगत बिन्दुलाई आधार लिनेछ । जसमध्ये ४ वटा बिन्दुमा पुगेर काम सम्पन्न गर्नेछ । तयारी पूरा भएपछि स्थलगत काम सुरु गर्न हिमपातले समस्या बनाएकाले केही महिना ढिलाइ हुने विभागको भनाइ छ । नेपालमा नापी विभागसँग ६० वर्षको अनुभव भएकाले नयाँ प्रविधिका विषयमा समेत दक्ष भइसकेकाले उचाइ मापन चार वर्षभित्र पूरा गर्ने जनाएको छ । सर्भे अफ इन्डियाले एक सय ६२ वर्षअघि नापेकै आधारमा हालसम्म सगरमाथाको उचाइ ८,८४८ मिटर (२९ हजार २८ फिट) लाई अहिलेसम्म आधिकारिक मानिँदै आएको छ । अहिले देशको आफ्नै नापनक्सासम्बन्धी कानुनी प्रावधान भएकाले सगरमाथाको उचाइ नेपाल सरकारले नै नाप्न लागेको हो ।National election of nepal Nga_chhap-lagaune

सर्वोच्च शिखर सगरमाथा ।

Spread the love