दाङ : फुसले छाएको घरमा आगलागी हुँदा दाङको बंगाचुली गाउँपालिकामा एकै घरका ३ जनाको मृत्यु भएको छ। विहीबार राति ८ बजेतिर सोलारको ब्याट्रि पड्किएर घरमा आगलागी हुँदा गुराँसे ८ निवासी नवराज पुनका दुई छोरी र एक छोराको मृत्यु भएको जिल्ला प्रहरी कार्यालय दाङले जनाएको छ। श्रीमती झारफुक गराउन गाउँ गएको बेला ७ वर्षीय छोरा कृष्णकुमार पुन, ५ वर्षीया छोरी अस्मिता पुन र दुई वर्षीया छोरी अञ्जु पुनको मृत्यु भएको जिल्ला प्रहरी कार्यालय दाङले जनाएको छ।