मध्यजापानमा शक्तिशाली भूकम्प र सुनामी

मध्यजापानमा शक्तिशाली भूकम्प र सुनामी

नयाँ वर्षको पहिलो दिनमै मध्यजापानमा एउटा शक्तिशाली भूकम्प गएको छ। जापानको तटीय नोतो क्षेत्रमा ७.६ म्याग्निट्यूडको भूकम्प गएको हो। स्थानीय समयानुसार दिउँसो ४ः०६ पहिलो पटक ५.७ म्याग्निट्यूडको भूकम्प मापन गरिएपछि त्यहाँ थप भूकम्पहरू आएको जापानको मौसम निकायले जनाएको छ। पहिलो भूकम्प गएपछि एक घण्टाको अवधिमा ७.६ म्याग्निट्यूडको सहित कम्तीमा पाँचवटा भूकम्प मापन गरिएको थियो। सबैभन्दा शक्तिशाली भूकम्प अनामिजु सहरनजिकै गएको बताइएको छ। भूकम्पपछि त्यहाँ सुनामी आउँदा केही क्षति भएको छ।

समुद्री तटमा रहेका मानिसहरूलाई उच्च भागतर्फ जान अधिकारीहरूले आग्रह गरेका छन्। जापानी राष्ट्रिय प्रसारक एनएचकेका अनुसार नोतो क्षेत्रको इशिकावा जिल्लाको तटीय क्षेत्रबाट मानिसहरूलाई  “तत्काल उच्च भागमा जान” निर्देशन दिइएको छ। एनएचकेका अनुसार झन्डै पाँच मिटरजति अग्लो छाल नोतो क्षेत्रमा पुगेको छ। अधिकारीहरूले छिमेकी निगाता र तोयामा जिल्लामा पनि सुनामीको चेतावनी जारी गरेका छन्। ती क्षेत्रमा झन्डै तीन मिटर अग्ला छाल पुग्न सक्ने चेतावनी दिइएको छ। भूकम्पपछि भएको क्षतिको यकिन विवरण आइसकेको छैन। जापानमा भूकम्प जानु नौलो नभए पनि त्यसका कारण उत्पन्न हुने सुनामीले ठूलो धनजनको क्षति गराउन सक्ने ठानिएको छ।

बहुमूल्य नागमणि, एक मुखे रुद्राक्ष र दाहिने शङ्ख आज बिहान पशुपति क्षेत्रमा प्रदर्शन गरिने

काठमाडौँ- पशुपतिनाथको भण्डारमा रहेको बहुमूल्य नागमणि, एक मुखे रुद्राक्ष र दाहिने शङ्ख आज बिहान पशुपति क्षेत्रमा सर्वसाधारणका लागि प्रदर्शन गरिने भएको छ । प्रत्येक वर्ष मार्गशीर्ष कृष्ण त्रयोदशीका दिन वर्षभर सुरक्षित राखिएको छ भनेर बहुमूल्य नागमणि, एक मुखे रुद्राक्ष र दाहिने शङ्ख सर्वसाधारणलाई देखाउने गरिन्छ । यसैगरी मार्गशीर्ष कृष्ण औँसीका दिन भने अब एक वर्षका लागि सुरक्षितसाथ राखिन्छ भनी देखाउने परम्परा रहेको पशुपति क्षेत्र विकास कोषका प्रवक्ता रेवतीरमण अधिकारीले जानकारी दिनुभयो । यस वर्ष त्रयोदशीका दिन आइतबार सर्वसाधारणका लागि पशुपतिनाथको भण्डारमा रहेको बहुमूल्य नागमणि, एक मुखे रुद्राक्ष र दाहिने शङ्ख सुरक्षित छ भनी प्रदर्शन गरिएको थियो । आज भने अब अर्को वर्षलाई यी सामग्री सुरक्षितसाथ राखिन्छ भनी देखाउन लागिएको कोषले जनाएको छ । बहुमूल्य नागमणि, एक मुखे रुद्राक्ष र दाहिने शङ्खलाई मार्गशीर्ष कृष्ण औँसीका दिन आज भण्डारको तेस्रो तलामा राख्ने कार्यक्रम रहेको छ । राख्नुअघि अर्थात् बिहान १० बजे अगावै पशुपतिनाथमा बाला चतुर्दशीका दिन मेलामा आएका भक्तजनका लागि सुरक्षित छ भनी यी सामग्री देखाइँदै छ । बहुमूल्य नागमणि, एक मुखे रुद्राक्ष र दाहिने शङ्ख प्रत्येक महिना पशुपतिका भण्डारीको पालो परिवर्तनका बेला कोष, प्रहरीलगायत सरोकार भएका निकायका रोहवरमा बुझाउने गरिन्छ । भण्डारी परिवर्तन हुँदा भने यी सामग्री भण्डारभित्र नै रोहवरमा राख्ने गरिन्छ ।

आज बिहान साढे नौ बजेदेखि करिब तीन घण्टासम्म बहुमूल्य नागमणि, एक मुखे रुद्राक्ष र दाहिने शङ्ख देखाउने तयारी गरिएको हो । पशुपतिनाथको पश्चिमढोकाअघि यी बहुमूल्य सामग्री देखाइने छ । आजै पशुपति क्षेत्रमा बालाचतुर्दशीका दिन शतबीज छर्दा जम्मा भएको फोहर सफा गर्ने कार्यक्रम रहेको जनाइएको छ । सफाइमा नेपाली सेना, नेपाल प्रहरी र सशस्त्र प्रहरी, वाग्मती सफाइ अभियानकर्मीलगायतको सहभागिता रहने छ । बालाचतुर्दशीका मेलाका अवसरमा पशुपति क्षेत्रमा जम्मा भएका लाखौँ भक्तजनका कारण भएको फोहर कोषका कर्मचारीले मात्र सफाइ गर्न नसक्ने भएकाले सफाइ कार्यक्रम आयोजना गरिएको पनि प्रवक्ता अधिकारीले जानकारी दिनुभयो ।

साभार : https://nepaltvonline.com/2023/12/86526/?fbclid=IwAR3v7IejY6sxBrzmNNpLzSsP0Q_TFY7PFBqqs_VRWdQVx1X-j_d-VlKmfqE

बकर ईदमा सार्वजनिक विदा

नेपाल सरकारले यहि असार १४ गते बिहीबारको दिन इस्लाम धर्मालम्बीहरुको पर्व बकर ईदको उपलक्षमा सार्वजनिक बिदा दिने घोषणा गरेको छ। गृहमन्त्रालयले एक सूचना जारी गर्दै असार १४ गते बिहीबारका दिन सार्वजनिक विदा दिने निर्णय भएको जनाएको छ।

सरकारले सार्वजनिक बिदा दिएसँगै शेयर बजारका साथै बैंक तथा वित्तिय संस्थाहरु बन्द रहने भएका छन्।

गुप्तेश्वर महादेव मन्दिरमा श्रीमद्भागवत सप्ताह ज्ञान महायज्ञ

 काठमाडौं । काठमाडौं टोखा नगरपालिका – १ झोर महाँकाल, फुलबारी घोप्टे पहरोमा अवस्थित गुप्तेश्वर महादेव मन्दिरमा श्रीमद्भागवत सप्ताह ज्ञान महायज्ञ लगाइएको छ । गुप्तेश्वर महादेव मन्दिरको संरक्षण र प्रवद्र्धन गर्ने उदेश्यले जेठ ९ गते (मंगलबार) बाट महायज्ञ सुरु भएको हो । उक्त महायज्ञ जेठ १७ गतेसम्म लाग्ने आयोजक मूल समितिका अध्यक्ष सहदेव तिवारीले बताए । महायज्ञमा श्रद्धेय भागवत कथा व्यास युवा पण्डित आर्चाय सर्वेश्वर शरण सुवेदीको मुखारविन्दबाट कथा वाचन हुने तथा उपवाचक पण्डित सविन शाश्वत लामिछानेको सुमधुर मुखारविन्दबाट पाठ पारायण हुनेछ । सो महायज्ञमा दान गर्ने दाताहरुलाई सम्मान गर्ने कार्यक्रम पनि रहेको छ ।  शिवपुरी नागार्जुन राष्ट्रिय निकुन्जको काखमा अवस्थित गुप्तेश्वर महादेव मन्दिर संरक्षणका निम्ति २०७१ सालदेखि वार्षिक रुपमा बजेट विनियोजन गरि यस मन्दिरसम्म पुग्नका लागि सिँडी रेलिङ र विश्राम कक्ष निर्माण गरिएको छ । यो मन्दिर प्रचारप्रसारको कमीले गर्दा ओझेलमा परेको भन्दै समितिले संरक्षण र पर्यटन प्रवद्र्धनका लागि यो महायज्ञको आयोजना गरिएको हो ।

टोखा न पा १ मा गणेश मन्दिरको उद्घाटन

काठमाडौ उपत्यकाको उत्तरी क्षेत्र मा पर्ने टोखा नगरपालिका १ नम्बर वडामा  आज गणेश मन्दिरको उद्घाटन सम्पन्न भएको छ । पुरानो धार्मिक महत्व राख्दै आएको यस मन्दिरको पूर्ण   रुप निर्माण सम्पन्न भएको छ । उक्त मन्दिर उद्घाटनको लागि टोखा नगरपालिकाका  नगर प्रमुख प्रकाश अधिकारी उपस्थिति हुनु भएको थियो । उक्त मन्दिरमा गुरुवाचार्य   द्वारा पूजा पाठ विधि  होमद्वारा नयाँ मन्दिरमा प्राण प्रतिस्थापन गरी उद्घाटन सम्पन्न भयाे।

उक्त गणेश मन्दिरको लागि टोखा न.पा.का को तर्फबाट १२,००,०००/- सहयोग प्राप्त भएको छ भने  उपभोक्ता समितिको तर्फबाट ५ लाख रुपैयाँ गरी २१ लाखमा काम सक्ने योजना रहेको छ।   उद्घाटन  समारोहमा नगरपालिकाका नगर प्रमुख प्रकाश अधिकारीले  यसप्रकारको नगरपालिकाअन्तर्गत पर्ने सम्पूर्ण धार्मिक मठ-मन्दिर हरूको आ-आफ्नै महत्व रहेको कुरा बताउनुभयो भने नजिकै रहेका श्री भुवनेश्वर गुप्तेश्वर  जलेश्वर लगाएत ऐतिहासिक महत्व बोकेको सपना तसर्थ गणेश मन्दिरको  धार्मिक  चर्चा गर्नुभयो ।

 

 

 

चोभारमा विश्वकर्मा विसर्जन

१ असोज, काठमाडौँ : हिजो पूजा गरिएको प्रतिमालाई शनिबार नदीमा बगाएर विसर्जन  गरिएको छ ।  शनिबार वर्कसप तथा कलकारखानामा रंगीचंगी पार्नुका साथै विश्वकर्माको विशेष पूजा गर्ने प्रचलन छ ।  आश्विन सङ्क्रान्तिका दिन मनाइएको विश्वकर्मा पूजा  शनिबार बिसर्जन गरिएको छ । विश्वकर्मा पूजा गर्नेहरुको एक समूहले विश्वकर्मा भगवानको प्रतिमा चोभारमा बागमती नदीमा विसर्जन गरेका छन् ।

पशुपतिनाथ दर्शनमा रोक – पशुपति क्षेत्र विकास कोष

काठमाडौँ  :  पशुपति क्षेत्र विकास कोषले अर्को व्यवस्था नभएसम्मका निम्ति सर्वसाधारणका लागि पशुपतिनाथ दर्शनमा रोक लगाएको छ । कोरोना भाइरस फैलिन नदिन उक्त निर्णय गरेको कोषले जनाएको छ । नेपालमा विगत २४ घण्टामा थप २,४२८ जनामा कोरोनाभाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ। त्यस अवधिमा देशभरि पीसीआर विधिबाट परीक्षण गर्दा २,३६५ जना र एन्टिजन विधिबाट ६३ जनामा सङ्क्रमण पुष्टि भएको हो।

वैशाख १० गतेबाट अर्को व्यवस्था नभएसम्मका लागि श्री पशुपतिनाथको मन्दिर, गुहेश्वरी मन्दिरलगायतका मन्दिरमा नित्य पूजाबाहेक अन्य क्रियाकलाप गर्न नपाउने गरी व्यवस्था मिलाइएकोले पशुपति क्षेत्र विकास कोषले सूचना प्रकाशित गरिएको छ । भक्तजनहरूलाई पर्न गएको असुविधाप्रति पशुपति क्षेत्र विकास कोष क्षमाप्रार्थी छ । कोरोना भाइरस फैलिन नदिन उक्त निर्णय गरेको कोषले जनाएको छ ।

Mahashivaratri_pashupatinath

आज महाशिबरात्री – शिबरात्रीका साधु

दिपक न्यौपाने, २७ फागुन, काठमाडौं :  पशुपति क्षेत्र विकास कोषले शिवरात्रिको सम्पूर्ण तयारी पूरा गरेको छ । राममन्दिर अखडा, भस्मेश्वर, निर्मल अखडा, अन्नपूर्ण आश्रम र उमाकुण्डमा साधुसन्तलाई राखिएको छ ।   महाशिवरात्रि पर्व आराध्यदेव भगवान् शिवको विधिपूर्वक पूजा–आराधना गरी बिहीबार देशभर मनाइँदैछ । पशुपतिनाथ सहितका देशभरका शिवालयहरुमा शिवको पूजा आराधना गर्नेहरुको विहानैदेखि घुइँचो लागेको छ । कोषका सदस्य सचिव गोविन्द टण्डनका अनुसार दर्शनार्थीको व्यवस्थापन, सुरक्षा र स्वास्थ परीक्षण लगायत आवश्यक तयारी पूरा गरिएको छ । महास्नानघाट, स्वर्गद्वारी, कालमोचन, गोरखनाथ लगायतका क्षेत्र पनि साधुसन्तले भरिएका छन् । साधुसन्तको खाना र बस्ने व्यवस्था आश्रममै मिलाइएको छ । व्रतमध्ये सर्वोत्तम कहलिएको महाशिवरात्रिका दिन भक्तजनले शुद्ध भई शिव मन्दिरमा पूजा–अर्चना गरी व्रत बस्ने र भगवान् शिवको प्रिय वस्तु दूध, धतुरो र बेलपत्र चढाउने गर्छन् । यस पर्वका दिन उपवास गरी रातभर जाग्राम बसे सर्वसिद्धि लाभ भई यमलोक जानु नपर्ने धार्मिक विश्वास छ । आजको दिन भगवान् महादेवलाई जाडो हुने जनविश्वासले प्रत्येक घर, चोक र मठ–मन्दिरमा दाउरा मागेर धुनी जगाई भजनकीर्तनका साथ सोही आगोमा प्रसाद बनाई ग्रहण गरिन्छ ।

Mahashivaratri_pashupatinath

करिब तीन सय नागा बाबालाई मुख्य मन्दिर परिसरमा राखिएको छ । नागा बाबा दर्शन गर्न मुख्य मन्दिर परिसरमा भीड लागेको उनले बताए । नागा बाबालाई पशुपतिको मुख्यद्वारदेखि विभिन्न क्षेत्रमा धुनी बालेर विशेष व्यवस्थापका साथ राखिएको उनले बताए । अघोरी बाबाले पनि पाशुपत र राममन्दिर क्षेत्र भरिभराउ भएको छ । पशुपति क्षेत्र साधुसन्तमय भएको छ । अघोरी, नागालगायत साधुसन्तको उल्लेख्य उपस्थिति रहेको उनले जानकारी दिए । उनका अनुसार ३५ सय साधुसन्तको आगमन भइसकेको छ । वनकाली धर्मशालाको खाली चौरमा दर्शनार्थीका लागि खाना र स्वास्थ्य शिविरको व्यवस्था मिलाइएको छ । ९० वटाभन्दा बढी सामाजिक संघसंस्थाले दर्शनार्थी सुरक्षा र सेवाका लागि खटिने तयारी छ ।    यसपटक १० लाख दर्शनार्थी पशुपतिनाथ मन्दिर आउने कोषले अनुमान गरेको छ ।

बन्द मनकामना मन्दिर र केवलकार आइतबारबाट खुल्ने

गोरखा : मनकामना क्षेत्र विकास समितिको आह्वानमा मङ्गलबार सम्पन्न सर्वपक्षीय बैठकले कोरोना महामारीको त्रासका कारण बिगत नौ महिनादेखि बन्द रहेको प्रसिद्ध धार्मिक स्थल मनकामना मन्दिर आउँदो आइतबारबाट खुल्ने भएको छ। भक्तजनलाई मन्दिरभित्र प्रवेश गर्न नदिने, पश्चिमतर्फको झ्यालबाट देवीको दर्शन गराउने, पुजारीले पञ्जा र मास्कको प्रयोग गरी भक्तजनको पूजासामग्री ग्रहण गरी पूजा गर्ने लगायतका निर्णय भएको छ।   स्थानीय स्तरमा समन्वय गरेर केवलकार चलाउन सकिने पत्र प्राप्त भएकाले गाउँपालिका, मनकामना क्षेत्र विकास समिति, स्थानीयस्तरको उद्योग वाणिज्य संघको बजार इकाइसँग समन्वय गरी आउँदो आइतबारबाट केवलकार चलाउने तयारी गरिएको छ।

अनलाइनबाटै सोह्रश्राद्ध ! श्राद्धका लागि समय बुक

कोरोना महामारीले च्यापिरहँदा उपत्यकासहित देशका विभिन्न जिल्लामा निषेधाज्ञा छ । कोरोनाबाट जोगिन एकअर्काको घर नजानू, भीड नगर्नू भनिएकै बेला पुरेत घरमै बोलाएर श्राद्ध गर्न सम्भव छैन । असहज अवस्थामा तिलोत्तमा नगरपालिकाले भनेजस्तै भर्चुअल माध्यम नै उत्तम विकल्पका रूपमा देखिएको छ । यो अनपेक्षित परिस्थिति भएकाले भर्चुअल माध्यमबाट गर्न हुने नहुनेमा विज्ञहरूबीच मतभिन्नता छ ।  सबैभन्दा बढी डाउनलोड भएको नेपाली एप ‘हाम्रो पात्रो’ ले पनि समायानुकूल र सुरक्षित हुने भन्दै अनलाइन श्राद्ध सेवा उपलब्ध गराएको छ ।  ६ जना पण्डितले  समायानुकूल र सुरक्षित हुने भन्दै अनलाइन श्राद्ध सेवा उपलब्ध गराएका छन् । सोह्रश्राद्ध बधबार सुरु हुँदै छ ।