आज सुनचाँदीको मूल्यमा गिरावट आएको छ । आज सुन तोलामा ५०० रुपैयाँले गिरावट भएको छ । नेपाल सुनचाँदी व्यवसायी महासंघका अनुसार यस दिन छापावाल सुन प्रतितोला एक लाख एक हजार रुपैयाँमा र तेजाबी सुन प्रतितोला एक लाख ५०० रुपैयाँमा कारोबार भइरहेको छ । हिजो सुन प्रतितोला एक लाख एक हजार ५०० रुपैयाँमा झरेको थियो

चाँदीको भाउ पनि बिहीबार सस्तिएको छ । आज चाँदी तोलामा पाँच रुपैयाँले गिरावट भएर प्रतितोला एक हजार २२० रुपैयाँमा खरिदिबक्री भइरहेको छ ।

नेपाल सुनचाँदी व्यवसायी महासंघका अनुसार सुनको मूल्य आज तोलामा ५ सय रुपैयाँले घट्दै प्रतितोला एक लाख २ हजार ५ सय रुपैयाँ निर्धारण भएको छ। बुधबार सुन प्रतितोला एक लाख ३ हजार रुपैयाँमा कारोबार भएको थियो। चाँदीको मूल्य तोलामा १० रुपैयाँले घटेको छ।

अन्तराष्ट्रिय बजारमा बुधबार सुनको मूल्यमा थोरै गिरावट आएको छ। सुन प्रतिऔंस १८२४.९३ डलरमा कारोबार भइरहेको छ।चाँदी प्रतिऔंस २१.६५ डलर छ। बुधबार सुन प्रतिऔंस १८३५.६२ डलर र चाँदी प्रतिऔंस २१.८१ डलर थियो।

राष्ट्रिय दुग्ध विकास बोर्डका कार्यकारी निर्देशक डा. राजेन्द्रप्रसाद यादवका अनुसार दूधको न्यूनतम मूल्य प्रतिलिटर १० रुपैयाँले वृद्धि गर्न सिफारिस गरिएको छ।राष्ट्रिय दुग्ध विकास नीति अनुसार हरेक दुई वर्षमा दूधको मूल्य पुनरवलोकन गर्ने व्यवस्था गरेको छ।

एउटा सरकारी निकायले दूधको भाउ बढाउने सिफारिस गरेपछि त्यसबाट “फाइदा पुग्ने” भनिएका कृषक र “मूल्य वृद्धिको मारमा पर्ने” ठानिएका उपभोक्ता दुवैले उक्त निर्णयप्रति असन्तुष्टि व्यक्त गरेका छन्।उपभोक्ताले “बिरामी, वृद्धवृद्धा र बालबालिकाको अत्यावश्यक पौष्टिक तत्त्व” उपलब्ध हुने दूध “अचाक्ली महँगो बनाउन लागिएको” भन्दै आलोचना गरेका छन्।राष्ट्रिय दुग्ध विकास बोर्डले “आफैँले तय गरेको नीति विपरीत दूधको मूल्य बढाउने सिफारिस गरेको” भन्दै आलोचना भइरहेका बेला उपभोक्ता र कृषकले समेत असन्तुष्टि व्यक्त गरेका हुन्।अर्कातर्फ किसानहरू चाहिँ “अहिले गरिएको सिफारिसले पनि लागत नउठ्ने” भन्दै त्यसप्रति असन्तुष्ट देखिएका छन्।

बोर्डले भने कृषक, डेरी उद्योगी र उपभोक्ता अधिकारकर्मीसमेतको छलफलपछि दूधको मूल्य बढाउने सिफारिस गरिएको भन्दै आफ्नो निर्णयको बचाउ गरेको छ।

तारागाउँ रिजेन्सी हाेटल(TRH)काे २६ औं वार्षिक वार्षिक साधारणसभामा हंगामा भएको छ । साधारण शेयरधनीले संचालक नियुक्तिकाे बिषयमा आपत्ति जनाएपछि सञ्चालकको अनुमोदन प्रकृया स्थगित भएकाे छ ।कम्पनीले सभामार्फत क वर्गका शेयरधनीको तर्फबाट तारागाउँ विकास समितिका अध्यक्ष सुरेशराज जोशी र ख बर्गका शेयरधनीका तर्फबाट अरुणकुमार सरार्फ, सुरेशलाल जोशी र देबेश सर्राफकाे पुर्नियुक्ति र स्वतन्त्र संचालकहरु श्रीवस्त शमशेर जबरा र मनोजप्रसाद राजभण्डारीको पुननियुक्तिलाई अनुमोदन गर्ने तयारी गरेको थियो ।

नेपाल पर्यटन बोर्ड भृकुटीमण्डपमा डाकिएकाे साधारण सभाले पहिले चयन गरेका सञ्चालकलाई अनुमाेदन गर्न खाेजेपछि साधारण शेयरधनी आक्राेशित भएका थिए । उनीहरूले साधारण सभाले संचालककाे निर्वाचन गर्नुपर्ने भन्दै हंगामा गरेपछि  निर्वाचान प्रक्रिया एक हप्ताकाे लागि स्थगित भएको हो ।

नेपाली बजारमा सुनको मुल्य आज  हालसम्मकै उच्च बिन्दुमा पुगेको छ । सुनको मूल्य हालसम्मकै उच्च प्रतितोला १ लाख ६ हजार ३ सय रुपैयाँ पुगेको छ । यसअघि गत फागुन २५ गते सुनको मूल्य प्रतितोला १ लाख ५ हजार ५ सय पुगेको थियो । जुन उच्च मूल्य एक वर्ष नपुग्दै तोडिएको छ । नेपाल सुनचाँदी व्यवसायी महासंघका अनुसार सुनको मूल्य अघिल्लो कारोबार दिनको तुलनामा प्रतितोला १ हजार रुपैयाँ बढी हो ।  सोमबार १ लाख ५ हजार ३ सय रुपैयाँमा सुनको कारोबार भएको थियो ।

मंगलबार छापावाल सुनको प्रतितोला मूल्य १ लाख ६ हजार ३ सय रुपैयाँ कायम भएको छ । तेजावी सुनको प्रतितोला मूल्य भने १ लाख ५ हजार ८ रुपैयाँ तोकिएको छ ।मंगलबार चाँदीको प्रतितोला मूल्य ५ रुपैयाँले वृद्धि भएर १ हजार ३८५ रुपैयाँमा कारोबार भइरहेको महासंघले जनाएको छ ।

कृषि विकास बैंक लिमिटेड (ADBL) ले आर्थिक बर्ष २०७८/७९ को मुनाफाबाट शेयरधनीहरुलाई ११ प्रतिशत नगद लाभांश र २ प्रतिशत बोनस शेयर गरी कुल १३ प्रतिशत लाभांश वितरण गर्ने घोषणा गरेको छ। बैंकको संचालक समितिको साधारण चुक्ता पूँजीको ११% नगद लाभांश (लाभांशमा लाग्ने कर समेत) र २% बोनस शेयर वितरण गर्ने घोषणा गरेको छ।बैठकले नेपाल सरकारको हाल कायम भएको फिर्ता नहुने अग्राधिकार शेयर पूँजीमा समेत बार्षिक ६ प्रतिशतले हुने नगद लाभांश रकम प्रदान गर्ने समेत निर्णय गरेको छ। प्रस्तावित लाभांश नेपाल राष्ट्र बैंकबाट स्वीकृत भई आगामी साधारण सभाले अनुमोदन गरेपछि वितरण गरिनेछ ।

आज नेप्से सूचक २००० विन्दुमाथि पुगेको छ। शेयर बजार मापक नेप्से सूचक चार महिनापछि २००० विन्दुमाथि पुगेको छ। आज नेप्से सूचक ५६ अंकले बढेर २००० विन्दु माथि पुगेको हो। आज नेप्से सूचक ५६.८८ अंकले बढेर २०२९.०३ विन्दुमा पुगेको छ। अघिल्लो दिनको तुलनामा कारोबार रकम पनि सामान्य बढेको छ।

यस दिन २ अर्ब ८६ करोड ३ लाख ४५ हजार ७८१ रुपैयाँ बराबरको ८० लाख २४ हजार ५५९ कित्ता शेयर कारोबार भएको छ। यस दिन १० कम्पनीको शेयरमूल्य ९ प्रतिशतभन्दा धेरैले बढेको छ। हिमालयन उर्जा सानिमा लाइफ र सृजनशिल लघुवित्तको शेयरमूल्य १० प्रतिशतले बढेको छ।

आज सुनको भाउ महंगिएको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ७०० रुपैयाँ पुगेको छ । यसैगरी, तेजाबी सुन प्रतितोला एक लाख २०० रुपैयाँमा कारोबार भइरहेको छ ।    चाँदीको भाउ भने स्थिर रहेको छ ।

हिजो सुन प्रतितोला एक लाख ५०० रुपैयाँ कायम रहेको थियो । शुक्रबारदेखि चाँदी प्रतितोला एक हजार ३९० रुपैयाँमा खरिदबिक्री हुँदैछ ।